Statens musikverk
Min doaibmasadji čohkke, dikšu, seailluha ja ovddida musihka, teáhtera ja dánsa olámuttolaš kulturárbemáhtu.
Statens musikverk
Oassin Stáhta musihkkadoaimmahagas / Statens musikverk
Musihkkadoaimmahat fátmmasta vihtta doaimma. Dás vuollelis sáhtát lohkat eanet doaibmasaji bargguid ja iešguđetge ovddasvástádussurggiid birra.
Caprice Music
Caprise Music almmuha dáiddalaš miellagiddevaš musihka mii čatnasa kulturárbái, nammalassi klassihkalaš ja dálááiggi musihkkii, elektronakusttalaš musihkkii, jassa ja álbmot- ja máilmmimusihkkii.
Elektronmusikstudion EMS
Musik- och teaterbiblioteket / Musihkka- ja teáhtergirjerájus
Musik- och teaterbiblioteket lea olles Ruoŧa musihka, teáhtera ja dánssa erenomášgirjerájus. Dáppe sáhtát digitálalaččat viežžat nuohtaid, girjjálašvuođa ja erenomáš arkiivamateriálaid 1100-logus ja ovddus.
Scenkonstmuseet / Lávdedáiddamusea
Scenkonstmuseet lea musihka, teáhtera ja dánssa stáhtalaš musea. Dáppe beasat lahkonit dáidaga, deaivvadit olbmuiguin geat hábmejit daid ja váldit oasi sin giehtabarggus. Dasa lassin beasat geahččalit ieš! Musea stuorra vuorká lea huksejuvvon eanet go 100 jagis.
Svenskt visarkiv / Ruoŧa lávllaarkiiva
Svenskt visarkiv seailluha, čohkke, dutká ja muitala Ruoŧa álbmotmusihka, lávlagiid, boarrásit populáramusihka, jassa ja álbmotdánssa kulturárbbi birra. Dutkanarkiiva mii lea rabas juohkehažžii.
Stáhta musihkkadoaimmahat stivrejuvvo ná
Ráđđehus nammada váldodirektevrra gii jođiha musihkkadoaimmahaga. Veahkkin váldodirektevrras leat jođihanjoavku ja okta dárkkistanráđđi.
Dárkkistanráđđi
Dárkkistanráđi bargu lea veahkkin ovddidit máhtu ja gelbbolašvuođa ja addit ráđi ásahushovdii. Dárkkistanráđđi galgá maid sihkkarastit demokráhtalaš geahčadeami ja álbmotláhttolaš váikkuheami. Ráđđehus nammada miellahtuid ja sii deaivvadit dábálaččat njelljii jahkái.
Mielahttut
Dragana Kosuffsky Maksimovic, beaivválaš jođiheaddji Sven-Harry dáiddamuseas (Sven-Harry konstmuseum)
Magnus Larsson, váldodirektevra Olámuttolaš mediat ásahusas (Myndighet før tilgänglig medier)
Nadja Chatti, musihkkalágideaddji ja klubbabuvttadeaddji, Universal Music Puplishing Group
Lars Ilshammar, historihkkár, IT-digáštalli, journalistta, Gonagaslaš girjerádjosa (Kungliga biblioteket) ovddeš nubbin jođiheaddji ja riikagirjerájusbargi
Bagadallon njuolggadusat
Musihkkadoaimmahat lea oassin Kulturdepartemeanttas. Ásahusa oppalašdoaimmat ja ovddasvástádussuorggit leat ráđđehus mearriduvvon ja nu gohčoduvvon nannojuvvon mearridus (ruoŧagillii).
Muddenreive
Juohke jagi loahpas oažžu Musihkkadoaimmahat muddenreivve ráđđehusas, mas earret eará leat mihttu ja boađusgáibádusat ja dasa lassin ásahusa boahttevaš jagi meroštus (ruoŧagillii).
Jahkelogahallan
Dás sáhtát lohkat Musihkkadoaimmahaga maŋimuš jahkelogahallama birra (ruoŧagillii).
Čujuheamivástádus
Historjjá
Stáhta musihkkadoaimmahat álggahuvvui jagi 2011. Jagiid 2011-2021 dárjjui Musihkkadoaimmahat doarjagiid ruoŧa friddja musihkkaeallimii Musihkkalávddi bokte. Háliidat go eanet dieđuid musihkkaeallin doarjaga birra váldde oktavuođa Kulturráđiin.