Statens musikverk
Amen čedaja, arakhaja, barjačeraja o đandipe hem daja šansa o kulturno đivdipe ki muzika, teater hem dans te ačhol đivdo pana but berša.
Inkludirimo ko Statens musikverk
Ko Musikverket tane inkludirime 5 sekcije. Akate telje šaj te čitine pobuter informacia savi buti sa o sekcije čerena.
Caprice Music
O Caprice Music publicirini umetničko interesantno muzika kaj i konekcia tani kultura, klasično hem momentalno muzika, elektroakustično muzika, jazz hem folk- hem aver muzika so isi ko celo sveto.
Elektronmusikstudion EMS
Elektronmusikstudion tano jekh nacionalno centar baš i elektroakustično muzika hem umetničko zvuko. O EMS nudini tumenđe o studio hem kursija baš o sa o artistija kotar Švedska hem avera phuvja.
Musik- och teaterbiblioteket
Muzika- hem teaterbiblioteka tani e Švedskakiri specialno biblioteka baš i muzika, teater hem dans. Akate isi note, literatura hem aver unikatno arhivsko materiali so šaj te huljave kotar o berš 1100, pa poanglal.
Scenkonstmuseet
Scenkonst museum tano jekh državno museum baš i muzika, teater hem dans. Akate šaj te ave paše zalji umetnost hem te rese e manušen so čerđe odija umetnost. Ako mangeja, šaj te probine hem kokri! I kolekcia ko museum čedinđa pe prekalo 100 berš.
Svenskt visarkiv
O Svenskt visarkiv čedela, arakhi, rodela hem vačeri kotar i folk muzika, đilja, purani popularno muzika, jazz hem folk dans ki Švedska. Akija arhiva tani phravdi sarinenđe.
Ađahare čerela buti o Statens musikverk
Ko Musikverket tano glavno o generalno direktori kova birini i vlada. Olje pomožinena o upravno odbor hem o savet.
Savet
I glavno buti ko savet tano te pomožinen e đandipaja hem prekalji pi kompetencia so isi oljen. O savet ka ovel olje demokratsko perspektiva hem manušikani perspektiva. O reprezentantija tane birime kotar i vlada hem resena pe 4 putija ko berš.
Reprezentantija
Dragana Kusoffsky Maksimovic, administrativno direktori Sven-Harrys konstmuseum
Magnus Larsson, generalno direktori Myndigheten för tillgängliga medier
Nadja Chatti, muzičko publicista hem producenti, Universal Music Publishing Group
Lars Ilshammar, historičari, IT-debatori, žurnalist, angljeder čerđa buti ki Kungliga biblioteket
Pravilo hem instrukcije
O Musikverket tano jekh delo kotar Kulturakoro departementi. E instituciakiri totalno buti tani pisimi ko pravilo hem instrukcije so avela direktno kotar vlada (ki Švedsko čhib).
Kontrolno ljil
Ko krajo kotar svako berš o Musikverket dobini jekh kontrolno ljil kotar i vlada ki Švedska kaj so pisini o cilji hem o rezultati celone beršese (ki Švedsko čhib).
Beršesiri specifikacia
Akate šaj te čitine pobuter kotar i specifikacia ko Musikverket (ki Švedsko čhib).
Remis odgovor
Historia
Statens musikverk startirinđa e beršeste 2011. Ko berša maškaro 2011–2021 o Musikverket dinđa pomoč ki Švedsko muzika prekalji i sekcia Musikplattformen. Pobuter informacia kotar pomoč šaj te dikhe ko Kulturrådet.