Statens musikverk
Meän toiminat kokoaavat sisäle, hoitavat, säilyttävät, rakentavat ylös tietoa musikin, teatterin ja tansin kulttuuriperinöstä ja tekevät net saataviksi.
Kuuluu Valtion musikkilaitoksheen/Statens musikverk
Musikkilaitoksheen kuuluu viis toimintaa. Tässä alla sie saatat lukea lissää toiminoitten työstä ja eri vastuualuheista.
Caprice Music
Caprice Music julkassee taitheelista kiinostavvaa musikkia liitetty kulttuuriperinthöön, muun muassa klassista ja nykyaijan musikkia, elektroakystistä musikkia, jassia ja kansan- ja mailmanmusikkia.
Elektronmusikstudion EMS (Elektroonimusikkistyytio, EMS)
Elektronmusikstudion oon kansalinen keskus elektrooniakystiselle musikille ja äänitaitheele. EMS tarjoa styytioita ja koulutuksia ruottalaisile ja kansanvälisille taiteelioile ja vierassäveltäjille.
Musik- och teaterbiblioteket (Musikki- ja teatterikirjasto)
Musik- och teaterbiblioteket oon Ruottin spesiaalikirjasto musikille, teatterille ja tansile. Täälä mennee laajata alle nuottia, pjääsimaanyksiä, kirjalisuutta ja ynikkiä arkiivimateriaalia 1100-luvulta ja etheenpäin.
Scenkonstmuseet (Seenitaitemuseo)
Scenkonstmuseet oon valtiolinen museo musikille, teatterille ja tansile. Täälä sie saat tulla taitheen likele, kohata ihmisiä jokka luovat sitä ja tutustua takanaolehvaan käsityöhöön. Sitäpaitti sie saat pruuata itte! Museon suurta kokoelmaa oon rakenettu ylös enämpi ko 100 vuotta.
Svenskt visarkiv (Ruottalainen lauluarkiivi)
Svenskt visarkiv säilyttää, kokoaa sisäle, tutkii ja kertoo kansanmusikin, lauluitten, vanheeman polyläärimusikin, jassin ja kansantansin kulttuuriperinöstä Ruottissa. Tutkimusarkiivi auki kaikile.
Näin Valtion musikkilaitos/Statens musikverk ohjathaan
Hallitus valikoittee jeneraalitirehtöörin johtamhaan musikkilaitosta. Hänen avuksi jeneraalitirehtöörilä oon johtoryhmä ja avoimuusraati.
Avoimuusraati
Avoimuusraatin tehtävä oon ette eesauttaa tiola ja kompentensilä ja ette antaa neuvoja virastonjohtajalle. Avoimuusraati pittää kansa varmistaa temokraattista avoimuutta ja kansalaisvaikutusvaltaa. Jäsenet, jokka hallitus valikoittee, kokkointuvat tavalisuuessa neljä kertaa vuessa.
Jäsenet
Dragana Kusoffsky Maksimovic, päätirehtööri Sven-Harryn taitemuseo
Magnus Larsson, jeneraalitirehtööri Saatavitten meetioitten virastolle/ Myndigheten för tillgängliga medier
Nadja Chatti, musikkikustantaja ja klypituottaja, Universal Music Publishing Group
Lars Ilshammar, histuurikkeri, IT-depatööri, jurnalisti, entinen vara-riikinkirjastohoitaja Kuninkhaalisella kirjastolla
Hallintomääräys neuvoila
Musikkilaitos kuuluu Kulttuuriteparttementhiin. Viraston ylheiskatsavat työtehtävät ja vastuualuheet oon päätetty niin sanotussa hallintomääräyksessä neuvoila hallitukselta. (ruottiksi).
Säänöspreivi
Joka vuen lopussa Musikkilaitos saapii säänöspreivin hallitukselta jossako muun muassa oon päämäärät ja tulosvaatimukset ja viraston määrärahat tulevalle vuele (ruottiksi).
Vuosikertomus
Täälä sie saatat lukea Musikkilaitoksen viimisen vuosikertomuksen (ruottiksi).
Remissivastaus
Historiikki
Valtion musikkilaitos/Statens musikverk perustethiin 2011. Vuositten 2011-2021 aikana Musikkilaitos jako avustusta vaphaale ruottalaisele musikkielämälle osaston kautta Musikkiplattformen. Jos halvaa informasuunia musikkielämän avustuksista met viittaama Kulttuuriraathiin.